Ministrja Dumoshi ndau çmimin për filmin “Sans le Kosovo”

12.08.2017

Ministrja e Kulturës, Rinisë dhe Sportit, Vlora Dumoshi, ka marrë pjesë në ceremoninë përmbyllëse të Festivalit Ndërkombëtar të Filmit Dokumentar dhe të Shkurtër “Dokufest” që u mbajt në Prizren nga 4 deri në 12 gusht.

Ministrja Dumoshi i ndau çmimin autores Dea Gjinovci për shpalljen e filmit të saj “Sans le Kosovo”, si filmi fitues në kategorinë e filmave kombëtarë.

Dumoshi e festivalin “Dokufest” e vlerëson njërën ndër ngjarjet kulturore më të rëndësishme në vend i cili tashmë e ka vendosur Kosovën në hartën ndërkombëtare kulturore. Ky festival shërben gjithashtu edhe për promovimin e mëtejmë ndërkombëtar të vendit tonë, tha ministrja.

Festivali “Dokufest” ka pasur gjithsej gjashtë kategori: Balkan Dox, International Dox, Human Rights Dox, Green Dox, International Shorts dhe National. Gjatë nëntë ditëve sa është mbajtur festivali, kanë garuar 88 filma në këto kategori.

Prapa

KOSOVO IN UNESCO