Edukimi jo-formal
Shkalla e ekonomisë së tanishme dhe ndërrimeve shoqërore, si dhe tranzicioni i shpejtë në një shoqëri që bazohet në njohuri dhe presionet demografike që rezultojnë nga popullata e re në Kosovë, të gjitha këto janë ndërrime, të cilat kërkojnë një qasje të re në edukim dhe në trajnim. Në kontekst të këtyre sfidave, Edukimit Joformal i është dhënë një prioritet i madh edhe nga vendet e Bashkimit Evropian, Edukimi Joformal është përkufizuar si: i tërë aktiviteti mësimor i realizuar gjatë tërë jetës, me qëllim të përmirësimit të njohurive, shkathtësive dhe kompetencës në kuadër të perspektivës personale, qytetare, shoqërore dhe atë të lidhur me punësimin.
Qëllimet/Objektivat:
- Ngritja e shkathtësive të lidershipit rinor përmes Edukimit Joformal.
- Njohja e certifikimit nga ana shoqërore dhe institucionale e Edukimi Joformal
- Përkrahja e Qendrave Rinore dhe atyre profesionale qe merren me Edukimin Joformal.
- Stimulimi i shërbimeve shoqërore përmes punës vullnetare dhe shkëmbimeve rinore jashtë vendit.
- Ngritja e kapaciteteve rinore organizative dhe menaxhuese.
Strategjia:
- Te hartoj udhëzime për themelimin dhe përkrahjen e Qendrave Rinore/Profesionale me Komunat dhe partnerët e tjerë.
- Te siguroj fonde dhe trajnime për drejtuesit e Qendrave Rinore/Profesionale.
- Mbajtja e kampeve rinore edukative.
Metodologjia e Implementimit
- Qëndrueshmëria e Qendrave Rinore/Profesionale dhe rrjetëzimi i tyre.
- Sigurimi i kurseve, trajnimeve për zyrtaret e rinisë, drejtoritë komunale dhe OJQ rinore në Kosovë.
- Zhvillimi i Edukimit Joformal
Partneret:
Qendrat Rinore, Drejtoritë Komunale, OJQ lokale dhe ndërkombëtare, Agjenci të UN etj.